WILLEMSTAD.- Ayera mardugá Wardakosta a pone man riba 31 indokumentado ku a purba yega nos isla den un lancha.

Ta un situashon basta riskante ku e hendenan aki ta pone nan mes den dje, nan ta di pak riba un boto chikí i ta sali mayoria biaha for di Venezuela pa bin Kòrsou.

Den e kaso aki e boto a keda detektá den área di Fuik, kaminda patruya di Wardakosta a nabegá bai topa ku nan.

Riba e boto tabatin 20 hende hòmber i 11 hende muhé. Na tera a pasa nan den man di outoridatnan polisial. Riba e kombinashon di fotonan momentu ku nan a drenta haf kompañá pa Wardakosta.

...Riba e fotonan momentu ku Wardakosta ta drentando haf ku e indokumentadonan...