WILLEMSTAD.- Un kantidat di hende respetá a bai e sentronan di bakunashon awe djasabra. EXTRA a presensia den oranan di mainta na Sentro Deportivo Kòrsou i despues na WTC unda hendenan ku no tin sita por a ‘walk-in’. Na SDK a stòp di tuma ‘walk in’ ya ku e kantidat a bira basta grandi. A forma rei di hende na entrada di SDK.

Na WTC den oranan di mainta tabata drùk pero segun dia a desaroyá e kantidat di hendenan interesá pa bakuna a mengua. Por bisa ku na ámbos sitio bastante hende a bai bakuna, dunando muestra ku e interes tei pa bakuna. Mas detaye den edishon di EXTRA.

E sifra ofisial di hendenan ku a bakuna te ayera djabièrnè tabata 50.876 persona den nos komunidat. Un total di 68.963 a registrá. Tin 13.571 persona ku a risibi nan di dos bakuna tambe kaba.

LAGA UN KOMENTARIO

Please enter your comment!
Please enter your name here