WILLEMSTAD. - Ayera tabata un dia kulminante pa Kòrsou pa e temporada krusero aki. Despues di algun dia tras di otro ku tres krusero di bishita, ayera tabatin kuater krusero ku a bishitá Kòrsou.

Esaki a sòru pa un tremendo ambiente den sentro di siudat ku basta moveshon.

Ta trata di e kruseronan Insignia di Oceaniacruises ku 702 pasahero, Carnival Horizon di Carnival ku 4.683 pasahero, Rotterdam di HollandAmericaLine ku 2.662 pasahero i Crystal Serenity di Crystalcruises ku 1.140 pasahero,

Esaki a hasi ku ayera Kòrsou tabatin mas ku 9.100 bishitante pa disfrutá di isla Kòrsou i su sentro di siudat.

Pues ayera tabata un dia vibrante pa turismo  krusero di Kòrsou i sin mas esaki ta un impulso pa e kompanianan lokal durante e periodo krusero aki.