Willemstad/Den Haag –Minister di Enseñansa, Kultura, Siensia i Deporte resientemente a keda informá ku gobièrnu hulandes a pone mas ku 5.6 mion florin disponibel pa trabounan di mantenshon na tres skol na Kòrsou, esta: Kolegio Erasmo, Skol Prof. Dr. Nelly Winkel i Skol Cola Debrot. Ku e medionan finansiero aki por drecha e skolnan. Den e Pakete di Pais tin entre otro 30 mion euro ku ta destiná pa mantenshon di edifisionan di skol. Na 2021 a pone alrededor di 1 mion florin disponibel pa trabounan di mantenshon ku urgensia, manera reparashon di dak ku ta lèk i kambio di tualèt. Den edishon di EXTRA mayan lo tin un relato mas amplio.