WILLEMSTAD.-Informashon ofisial suministrá pa direktorado di informashon di gobièrnu ta indiká ku Kòrsou tin 5 kaso positivo mas di  Covid-19 pa awe djamars. Mas aworó dr. Izzy Gerstenbluth mes lo duna e detayenan.

E informashon ta indiká ku un di e kasonan nobo su fuente no ta konosí ainda, miéntras ku pa loke ta trata e sobrá 4 kasonan por bisa ku ta resultado di ‘contact tracing’ a logra detektá nan. Tres di e kuaternan aki ya kaba tabata den karentena.

Entretantu di dos kaso ku tabata positivo ku e rekuperá i un persona ta interná den hospital. E apelashon ta keda na tur hende pa kòrda kuida nan mes i tur esnan rondó di nan.