WILLEMSTAD/PHILIPSBURG — Banko Sentral a konstatá ku tin NAf. 50 i NAf. 100 falsu den sirkulashon. E biyetenan falsu di NAf. 50 ta di mal kalidat i p’esei ta fásil pa mira ku nan ta falsu. E biyetenan falsu di NAf. 100 sí ta di kalidat mas haltu i no ta dje fásil ei pa detektá.

Despues di a analisá e biyetenan falsu, CBCS a identifiká vários karakterístika komo esunnan prinsipal ku por usa pa rekonosé ku un biyete ta outéntiko òf falsifiká. Den edishon di EXTRA mayan lo ti un relato amplio riba esaki.

Pa tur klaridat, CBCS ta informá ku niun persona ni establesimentu ta permití pa aseptá i keda ku biyete falsu. Ta rekomendá pa alertá polis mas pronto posibel na momento ku bo ta kere ku bo a wòrdu konfrontá ku un biyete di plaka falsu. Pa falsifikashon di sèn òf paga ku sèn falsu konsientemente, tin un kastigu máksimo di 9 aña.