Wind Creek Curaçao anfitrion di Inougural Long Table Curaçao:

WILLEMSTAD.-  Long Table Curaçao, un evento karitativo kulinario di un anochi organisá dor di Wind Creek Curaçao, a konkluí su selebrashon inougural ayera nochi. Fakturá komo “e úniko sena na balor di $50,000 pa Kòrsou,” Long Table Curaçao a presentá un sena pa invitadonan i a anunsiá sinku ganadó di e kompetensia di video karitativo, kada un a risibí un donashon na balor di $10,000.

Despues di 6 aña eksitoso di Long Table Aruba, ta amplia kompromiso di e marka Wind Creek den komunidat di Kòrsou i ta suprayá su responsabilidat korporativo den su merkadonan. E sena a tuma lugá pafó di Renaissance Wind Creek Curaçao Resort.  Long Table Curaçao a konta ku un mesa magnífiko pa 400 invitado, kreando un eksperensia kulinario inolvidabel.

Komo parti di e trayekto Wind Creek Curaçao a tene un kompetensia den kua tur organisashon karitativo lokal a keda invitá pa presentá un video konvisente pa risibí e sosten finansiero. Públiko mester a vota pa nan fundashon faborito entre 20 di sèptèmber i 10 di òktober último, pa di e forma aki garantisá ku komunidat ta yuda determiná unda e fondonan tin mas impakto.

Mirando e interes abrumador ku a mustra durante henter e proseso di votashon, Wind Creek Curaçao por a otorgá sinku organisashon sin fin di lukro $10,000 kada un, nan ta:

Fundashon Alton Paas

Hospice Arco Cavent

Pippi’s Opvang

Reef Renewal Foundation Curacao

Rescue Paws Curaçao

“Na Wind Creek, nos mishon ta pa involukrá nos mes den e komunidatnan ku nos ta biba i operá aden,” Maylin Trenidad-Rosheuvel, Direktor Gerente di Wind Creek Curaçao a bisa. “Ku e evento inougural aki na Kòrsou, nos por a selebrá esei den su totalidat. Nos komunidat realmente a bini huntu pa sostené e organisashonnan lokal. E anochi di bèrdat a surpasá tur ekspektativa, i mi no por warda pa un evento mas grandi ainda otro aña.” Trenidad-Rosheuvel a agregá, “No solamente nos por a sostené nos komunidat ku un evento di Long Table, pero nos tabata asina afortuná di mira e impakto positivo ku e tabatin riba tur hende enbolbí - for di e miembronan di nos tim te na invitadonan i organisashonnan karitativo. Nos ta antisipá riba éksito kontinuo den e añanan benidero.”