WILLEMSTAD.- Servisio meteorológiko a analisá e sifranan di temperatura pa loke ta e luna aki, te ainda i por konkluí ku e dia mas kalor tabata 7 di sèptèmber. E temperatura riba e dia ei tabata 36.2 grado C.

Nos ta reprodusí e gráfiko ku servisio Meteorológiko a presentá i kaminda por mira tambe ku e dia ku e temperatura mas abou tabata 6 di sèptèmber ku 27,1grado C.

Servisio Meteorológiko ta midi temperatura diariamente i ta karakterisá esaki den 3 parti.

- E temperatura máksimo.

- E temperatura promedio.

- E temperatura mínimo.

E sifranan di e dia ta wòrdu ilustrá den un forma gráfiko. E parti transparente den e gráfiko ta indiká e promedionan kual a wòrdu menshoná riba un periodo di 30 aña(1981 – 2010). E líneanan horizontal serka 33,4 ⁰C, 29.5 ⁰C en 27,1 ⁰C grado ta e kaminda e temperatura ta wòrdu karakterisá komo ekstremo.

E luna sèptèmber ta wòrdu eksperensiá te ainda komo unu di hopi kalor. Esaki ta  aprobá tambe ku e midimentu di temperatura na Servisio Meteorológiko Curaçao. Si tira un bista riba e gráfiko por konkluí for di esaki ku

- Pa e temperatura máksimo e ta haltu tur dia ku eksepshon di e dianan 1,4,6 i 10 di sèptèmber.

- Pa e temperatura promedio di e dianan nan ta haltu ku eksepshon di e dianan 1 i 6 di sèptèmber

- Pa e temperatura mínimo tur dia e ta haltu.

Te ainda tur e promedionan di temperatura di e dianan di Sèptèmber ta riba e promedio di e periodo 1981 te ku 2010.