WILLEMSTAD.- 8 di e 25 kandidatonan ku rais Karibense a wòrdu skohé ayera durante di e elekshon munisipal na Hulanda. Al ménos manera ta parse komo ku ainda no a kaba di konta tur voto. Na Utrecht Bina Chirino a haña sufisiente voto komo number 2 riba e lista di ChristenUnie. E tin famia na Boneiru i Kòrsou. Delft a haña 2 konsehal ku antesedente karibeño den konseho munisipal, Cheraldine Osepa di GroenLinks i Heera Dijk di D66. Cheraldine Osepa ta yu di Kòrsou i tabata direktora di Kas di Kultura. Heera Dijk a nanse i krese na Delft pero su mama ta yu di Kòrsou i su tata ta surinameño. Zwolle, Wageningen, Den Helder Roermond i Waalwijk tambe lo tin un konsehal di orígen karibeño