WILLEMSTAD.-Un kaso basta tristu a yega na mesa di redakshon di EXTRA. Ta trata di un persona ku ta empleá na un kompania privá i pa 8 luna kaba ta pidi trahadónan p wanta pasobra e doño no por kumpli ku pago na su trahadónan. Situashon di Covid ta keda un problema hopi serio pa vários kompania.

E trahadónan ta den servisio i a keda wanta pasobra nan tambe ta konsiente ku situashon ta mas difísil awendia, pero di otro banda kada trahadó tambe tin kompromisonan ku e mester kumpli kuné entre otro hur di kas, Aqualectra i kuminda. EXTRA a komprondé ku un trahadó a bai servisio di gobièrnu enkargá ku asuntunan di labor i pa su gran sorpresa el a tende ku a mihó konseho ku e servisio por dun’e, ta pa e kita for di trabou. Riba  pregunta si e no ta pèrdè tur su derechonan di e forma ei, e hendenan di e servisio di gobièrnu a bisa ku si e trahadó kita e por bai abogado pa buska su derecho. Pero ta trata di trahadónan den servisio ku tin 8 luna sin kobra, ta ku kiko nan ta bai paga abogado?

Buskando detayenan di e tipo di situashonnan aki EXTRA a papia ku Arthur Nivillac di Optima, kende a bisa ku e no por bai den detaye spesífiko di niun kaso, sinembargo el a saka sifranan spantoso di e situashon laboral na Kòrsou.

Nivillac ta splika ku Bureau Rechtshulp Arbeid, ku ta parti di OPTIMA tin sifra real di e situashon laboral na Kòrsou:

1. 
   

2. 2014 66%

3. 
   

4. 2015 59%

5. 
   

6. 2016 50%

7. 
   

8. 2017 67%

9. 
   

10. 2018 73%

11. 
    

12. 2019 65%

13. 
    

14. 2020 70%

15. 
    

Esakinan ta solamente e sifranan ku ta kai bou di kondishonnan laboral (Arbeidsvoorwaarden). Esei ta enserá areglonan palabrá bou di kua e trabou ta keda ehersé. E no ta enserá solamente e kompensashon i pago pa e labor prestá, pero tambe e oranan di trabou, oranan èkstra (overtime), e formanan di kontrakt, retiro, promoshon i hopi mas. Na opinion di Arthur Nivillac, spesialista den e área laboral, a bira ora pa bini ku leinan pa por kuida esnan ku ta laborá. Riba e pregunta spesífiko kiko e ta pensa di e echo ku un servisio di gobièrnu, ku mester konosé leinan laboral, ta konsehá un trahadó ku ta den servisio pa tuma retiro ora ku e tin 8 luna sin kobra, Nivillac a bisa ku esaki ta algu horibel. (file foto)