AMSTERDAM.- Awe alrededor di 9:00 anochi ora di Ulanda, un total di 8 persona a resulta heridá den insidente ku a tuma lugá dilanti di Amsterdam centraal Station. Di e heridonan dos di nan ta den estado grave.
Di akuerdo ku e informashon risibí, ta trata di un insidente na unda outo a dal e personanan aki. No ta sigur ku ta trata di un atake terorista te na e momentonan aki. Aparentemente e shofùr tabata para na un sitio ku no tin mag i polis a indiká ku e tin ku kita. Ta durante ku e ta kita el a pasa dal e víktimanan. Entre tantu polis tin e detené i ta interogando e pa sa kiko eksaktamente a tuma lugá.