WILLEMSTAD.- Riba un fecha manera awe 16 di febrüari 1942, 80 aña pasa Aruba i Kòrsou a keda involukrá den di dos guera mundial. Atake ku torpedo di supmarino aleman a destruí  bapor nan di zeta i otro barku nan na Aruba. Na Kòrsou e barku, Rafaëla a keda torpediá. Tur dos isla a hunga un ròl importante durante e di dos guera mundial. Aruba i Kòrsou tabata tin refineria di petrolio ku tabata abastesé avion nan britániko, franses i tambe merikano den nan lucha kontra Hitler (Alemania). Pero pa e habitante nan di e isla nan ya anteriormente a sinti e efektonan di e di dos guera mundial. Algun dia despues ku Alemania e invadí Hulanda na 1940, a arestá tur persona na Kòrsou ku tabata tin kualke konekshon ku Alemania.