Polis pará na sitionan stratégiko pa ‘toque de queda’

WILLEMSTAD.- Den e ‘briefing’ ku Konseho Supremo Elektoral a duna nèt promé ku mitar di nuebe. Imro Zwerwer a anunsiá ku for di 8’or di anochi tin unidatnan pará na sitionan stratégiko. Esaki ta pa kuminsá alertá tur hende ku 9’or anochi ‘Toque de queda’ ta drenta na vigor.

Presidente di Konseho Supremo Elektoral Pacheco Römer a informá ku e kantidat di hendenan ku a bai vota awe ta 85340 ku ta nifiká 73.5%. Kompará ku 2017 esei ta un oumentu pasobra na 2017 e kantidat total tabata 78890 ku ta representá 66%. Ku e informashon aki KSE ta indiká ku e kantidat di voto nesesario pa yega na un asiento, esta e ‘kiesdeler’ ta 4000 voto.