Kòrsou a haña bishita di kuater krusero:

WILLEMSTAD. - Ayera tabata un dia bon pa sektor turístiko ku bishita di kuater krusero ku a yega un total di 9.100 pasahero.

Esaki ta e promé bishita di kuater krusero na mes momentu pa e temporada di krusero aki

E krusero Emerald  Princess ku 3.046 pasahero i 1.141 personal a mara na  Mega Pir Ernest Jackie Voges.

Oceania Insignia ku 590 pasahero ku 398 personal a mara na Motet.

Carnival Horizon ku 4.741 pasahero ku 1.402 personal a mara na Mega Pir Tula.

Seven Seas Grandeur ku 723 pasahero ku 546 personal a mara na Waf Mathey.

Pues ayera Kòrsou a haña bishita di un total di 9.100 pasahero ku a disfrutá di Kòrsou su bunitesa.

Lo bai tin  mas dia ku Kòrsou lo risibí kuater krusero riba e mesun dia.

Dia 4 di desèmber lo tin 3 krusero, dia 7 di desèmber 4 krusero, dianan 11 i 12 di desèmber kada un dia ku 3 krusero.

E dianan siguiente Kòrsou lo sigui risibí bishita di barkunan krusero regular, den nan mayoria dos krusero riba un dia.