Debí ku Ontvanger no tin nan kuenta di banko

WILLEMSTAD.-Minister di finansa Javier Silvania den un informe ta indikando ku 945 hende no por kobra nan plaka di restitushon di belasting na Ontvanger debí ku no tin nan kuenta di banko. Segun e minister, ta trata di un suma di kasi 1.3 mion florin ku Ontvanger no por paga esnan ku tin derecho riba e plaka aki.

Último simannan e minister a anunsiá na vários okashon ku ta bai paga plaka di restitushon na esnan ku ta paga belasting. Tabatin basta reklamo di siudadanonan ku ta reklamá ku nan ta haña aanslag pa paga so pero no ta haña restitushon. Esei a keda resolvé i Ontvanger a haña enkargo di e minister di finansa pa paga restitushon.