WILLEMSTAD.- Outoridatnan polisial na Aruba ta investigando un caso di asesinato lamentabel ku a tuma lugá ayera nochi.

Algo prome cu 8:00pm a sosode un caso di tiramento na altura di Julio’s Bar na San Nicolas. Na e sitio Polis a topa cu varios huls na suela y un situacion masha caotico mes. Na suela tabatin un homber benta abou cu no tabata duna señal di bida. A topa cu su auto tambe, un KIA Rio color cora cu number A-61743.

Na momentu ku polis a yega na e sitio,  a topa ku un hòmber gravemente heridá ku diferente perforashon di bala.

Testigonan for di Julio’s Bar a conta cu tabatin un Polis na civil coriendo na pia y a scucha por lo menos tres tiro. Esunnan den e bar a pensa cu tabata klapchi pero a mira e victima na careda y despues a cay den veranda di un cas net eytras.

Dr. Brit Croes a constata morto di Harmon Girigorie, naci na Aruba dia 21 di december 1985. E tabata coordinador y/of bodyguard di Minister Chris Romero. E ta bay laga atras un yiu y su pareha. Mester bisa cu den pasado Harmon mes tabata un conoci di husticia, ora cu el a los diferente tiro riba Warda di Polis di San Nicolas. A consider’e como “vuurwapengevaarlijk”. Su amigonan a conta cu e ultimo añanan el a drecha su bida hopi y desde e Gobierno nobo di asignatura MEP-POR-RED, el a bay traha den Cocolishi.

For di Ministerio di Transporte y Comunicacion, a informa cu e defunto berdad tabata un “Beveiligingsmedewerker” y un persona di confiansa di Minister Chris Romero. E ultimo aki ta hopi conmovi cu e noticia y ta convivi cu famia di e defunto den e den e momentonan dificil aki.

Mas lat anochi polis ta informá ku e sospechoso a entrega su mes na warda di polis.