WILLEMSTAD.- Ayera mainta alrededor di 10 or. e Sentro di Reskate di Wardakosta (RCC) mester a bai duna asistensia pa un persona ku a faktura su herida riba Seru Kristoffel na Sabaneta.

Warda Kosta a risibí un petishon pa asistensia di Kuerpo di Bombero ku na e momento ei tabata na parke St. Kristoffel pa un aksidente. Nan ta tin mester di ayudo pa baha un señora lokal, di 38 aña ku a heridá su rudia  ora e tabata kasi na e tòp di e seru.

Mes ora a saka e helikòpter AW-139 di wardakosta pa bai yuda baha e señora. Bou di direkshon di un di e park rangers di parke Kristoffel a lokalisá e dama anto a his’é den helikòpter i hib’é e punto di sosten di wardakosta na Hato unda un ambulans tabata wardando.