WILLEMSTAD.- E kuater (4) polisnan ku ta detené relashoná ku kaso di iregularidat a presentá dilanti di mesa bèrdè awe. Manera ta konosí resientemente a detené 5 polis, di kua 4 ta detené ainda. Un ratu pasá wes komisario a disidí na prolongá detenshon di e kuater polisnan aki.

Siman pasá wes komisario a huzga nan detenshon komo unu korekto i ku tin sufisiente base pa nan permanesé enkarselá. Ta sospecha e polisnan di e drenta bibiendanan i tene entrada hudisial sin pèrmit di wes komisario. Tambe nan ta sospecha di a konfiská diferente kos na e adrès kual nan mes a keda kuné, pues nan no a deklará esakinan komo artíkulonan konfiská. Mas detaye den edishon di EXTRA.