WILLEMSTAD.- Wikènt último porfin komersiante, turista i bishitantenan di e área di Westpunt a haña un tiki alivio di abeha.

Imker Juric Phelipa huntu ku "Rasta Largu" a tuma e enkargo pa baha mei mei di barankanan i asina deshasí di nèshinan di abeha ku tabata kousa hopi molèster i tabata terorisá tur esnan den e área.

Awor a haña poko alivio pero ainda tin mas nèshi di abeha den otro áreanan na Bándabou ku mester atendé.