WILLEMSTAD.- Un ratu pasá polis a kaba di detené e hòmber ku a kometé akto inmoral ku e mucha di un aña di edat.
Ta trata aki di e kaso ku a tuma lugá resientemente den un toko chines situá den Buena Vista i ku tin komunidat en general sumamente desgustá. Mirando kuantu rabia e kaso aki a produsí, polis mester a hasi un súplika na suidadanonan pa no tuma lei den nan mes man i, di otro banda, a urgi e hòmber pa entregá su mes.

No ta konosí na e momentonan aki si ta e hòmber a entregá su mes òf si ta polis mes a logra haña sa na unda e tabata skondí i konsekuentemente arest'é.

Den e próksimo edishon di EXTRA lo duna mas informashon.