WILLEMSTAD.-Ministerio Publiko a tuma nota di e kaso di agreshon ku a tuma lugá kaminda un hóben ta agredí unu mas chikitu. Un akshon kompletamente robes i den e kuadro ei outoridatnan a aktua riba e kaso, asina bosero Roderick Gouverneur a duna di konose.

E video a bai rònt tur kaminda riba retnan sosial kon un hóben ta dal un mucha chikitu ku vários wanta. OM ta informa ku a detené dos hóben menor di edat. Despues ku polis a interogá nan, nan por a bai. E investigashon den e kaso aki ta kontinuá.