WILLEMSTAD – Awe mardugá a tuma un kaso serio di intimidashon na momentu ku deskonosínan a sende vehíkulo di Bosero di Ministerio Públiko na kandela. Unidat di Brandweer di Steenrijk mester a bai ku urgensia na Janthiel despues di risibí notifikashon ku tin un outo na kandela. Na yegada, Brandweer a paga e vehíkulo aki. Manera e foto ta indika ku muchu no a sobra di e outo aki. Kuerpo Polisial huntu ku Ministerio Públiko ta trahando duru riba e kaso aki i Bon trabou di Janthiel Security Group i KPC a pone ku a hasi detenshon di un sospechoso den e kaso aki djis un ratu despues. Mirando ku rònt Janthiel ta ser di monitor 24 ora pa dia, pues difísilmente bo por bai hasi un maldat i no ser kapta riba vários kámara.

Den su promé deklarashon públiko, Sr. Serphos a indiká ku e ta trankil i lo sigui kumpli ku su trabou diario i ku e akto aki dor di kima su vehíkulo ta un empuhe pa OM sigui kombatí kriminalidat den nos komunidat.