(UPDATE) WILLEMSTAD.-Ultimo detayenan relashoná ku e kaso aki ta indiká ku polisnan a gara 5 di e 7 detenidonan ku a hui. Tambe sr. Zwerwer a informá ku tur esnan ku a hui ta hòmbernan venezolano.

Den oranan di mardugá prizòn a bati alarma ku un kantidat di detenido den barak a hui. E informashon ku polis ta duna ta ku 7 detenido den barak a hui. Na prome instante Bosero polisial Imro Zwerwer a informá EXTRA ku entretantu a logra gara 4 di e 7 personanan ku a hui. Polis no tin informashon kon bin e hendenan aki a logra hui, un investigashon mester determiná esei.

Barak ta un área riba tereno di prizòn na Koraal Specht, unda ku e detenidonan ta bou di vigilansia i nan no ta liber pa drenta sali manera nan lo ta deseá. Riba e pregunta si ta trata di venezolanonan ku a hui sr. Zwerwer a indiká ku nan ta pendiente di e detayenan. No tin informashon si ta trata di hende hòmber òf hende muhé ku a hui, òf si ta un kombinashon. Mas detaye den edishon di EXTRA.