WILLEMSTAD.- Un proyekto di kámara di vigilansia públiko ku a kuminsá na 2014 a kosta komunidat hopi plaka i ainda falta sèn pa kaba ku e proyekto. Kontraloria General a traha un rapòrt i ta menshoná ku di 2015 te ku 2020, a gasta un total di NAf. 21,6 mion na e proyekto akí. En bista di e proyekto su ophetivo prinsipal, esta, di ‘logra un komunidat sigur na Kòrsou’, Kontraloria ta konsiderá ku eWILLEMSTAD.- Un proyekto di kámara di vigilansia públiko ku a kuminsá na 2014 a kosta komunidat hopi plaka i ainda falta sèn pa kaba ku e proyekto. Kontraloria General a traha un rapòrt i ta menshoná ku di 2015 te ku 2020, a gasta un total di NAf. 21,6 mion na e proyekto akí. En bista di e proyekto su ophetivo prinsipal, esta, di ‘logra un komunidat sigur na Kòrsou’, Kontraloria ta konsiderá ku e ta di gran interes sosial i p’esei a inisiá un investigashon di e proyekto. Kontraloria ta konkluí ku ehekushon di e proyekto no a tuma lugá na tempu ni di forma efektivo. Ademas, no a regla un presupuesto di antemano pa e proyekto i despues, promé ku a kompletá e proyekto, a eksedé e presupuesto ku a pone disponibel p’e. E ophetivo tabata pa logra haña vigilansia ku 580 kámara na Kòrsou. E intenshon tabata...