WILLEMSTAD.- Informashon ku EXTRA ta disponé di dje ta indiká ku a ‘hack’ sistema digital di Ministerio di Maneho di Gobernashon, Planifikashon i Servisio Públiko konosí komo BPD. Na kabes di e ministerio aki tin minister drs. Armin Konket. E informashon inisial ta mustra ku malechornan sibernetiko lo a logra un atake sibernetiko, un asina yamá ‘Ransomeware’ ta loke a infektá e sistema di BPD kuné i esei ta pone ku tur file di e ministerio ta di lòk den un asina yamá ‘lockdown’. EXTRA a buska kontakto ku minister Konket kaba i el a pidi pa dun’é espasio.

Manera indiká e informashon ku EXTRA ta manehá ta mustra ku a lòk filenan di HRO, BO i SSO tur ta di hack. E situashon ta bira mas ferfelu na mentu ku bai buska e back-up i resultá ku posiblemente e back-up.

Situashon di hack ta unu hopi serio i speshalmente ora ta trata di un gobièrnu. Dental kaso e malechornan ta blòkia funshonamentu di esnan ku ta hasi transakshonnan i korespondensia ku e aparato públiko. Ministerio BPD ta esun ku tin na su enkargo entre otro maneho di personal di gobièrnu. Keda pendiente pa mas informashon.