Patólogo: morto natural

WILLEMSTAD.-Un ratu pasá polis a konfirmá ku a haña e kurpa sin bida di un persona na Banda Bou. E prome indikashonnan ta mustra ku ta trata di un hende hòmber. Famia no a rekonosé e kurpa sin bida ainda i komo tal EXTRA no ta bai spekulá dunando nòmber. Patólogo ku a yega na e sitio a duna komo indikashon ku ta trata di morto natural, asina bosero polisial Imro Zwerwer a deklará na EXTRA.

Den dianan tras di lomba a organisá un akshon di búskeda grandi den área di Banda Bou, na momentu ku famia i amigunan a bai buska un hòmber di edat ku a pèrdè den e área di Wilibrordus. Manera indiká kaba EXTRA no por duna nòmber ya ku ainda famia no a rekonosé e kurpa sin bida.