WILLEMSTAD.-  E último informashon risibí den e kaso aki ta indiká ku e skelèt lo ta falta un man i un pia. No ta konosé ainda si ta trata di un hòmber òf hende muhe.

Den oranan mas tempran di anochi a deskubrí un skelèt humano den e mondi patras di Campo Alegre. Esei a pone ku a avisá outoridatnan polisial mesora di e desaroyo aki. Polisnan ku a yega na e sitio no por a yega serka debí ku e mondi ta basta será. Den kombersashon ku bosero polisial sr. Imro Zwerwer el a duna di konosé ku no tin muchu informashon te na e momentunan aki. Loke ta konosí ta ku ta trata di un skelèt humano, i ku e tin un ratu kaba einan segun e señalnan ku outoridatnan a haña na prome bista.

Na e sitio por a tuma nota di presensia di dòkter di polis, fiskal di ministerio Públiko i otro outoridatnan ku tei pa hasi investigashon. Asina tin mas detaye EXTRA lo trese esakinan pa nos lesadónan.