WILLEMSTAD.- Awe mainta Wardakosta a haña un yola ku a drif riba laman sin pasahero. Aparentemente e boto a yega tera bai hende, baha tur hende inkluí kapitan i laga e barku bashí riba awa. Wardakosta a hasi kontrol i despues bai ku e boto na Caracasbaai. Despues un trùk a transportá e boto na Parera pa mas investigashon.

++

Wardakosta den un komunikado di prensa ta skirbi awe merdia:

E Sentro di Operashon Marítimo di Wardakosta a risibí 2 diferente notifikashon den ora nan di mainta relashoná ku un boto ku su kabes tabata sali for di awa. Esaki tabata den área di Jan Thiel.
Inmediatamente a manda un patruya di Metal Shark i tambe un helikòpter pa asistí. Lòs for di e boto, e helikòpter no a nota nada straño den awa. E Metal Shark a logra di transportá e boto ku tabata bashí, te na Caracasbaai. Polis a asistí ku nan ‘takelwagen’ pa asina transportá e boto. Ta trata dia un ‘yola’ di palu.
Aktualmente a konfiská e boto pa mas investigashon.