WILLEMSTAD.-E sifranan ofisial pa loke ta trata e kantidat di hendenan infektá ku Covid-19 a konosé un kantidat sin presedente. Pa promé bia a registrá un kantidat record di 34 hende ku a tèst positivo pa Covid-19. Esaki ta for di un kantidat di 203 tèst ku a hasi. Di e forma aki ta hiba e total di hendenan ku a tèst positivo mesora na 619 persona. Tin 275 kaso aktivo na e momentunan aki. 11 persona a rekuperá i 1 persona ta interná den hospital.

Di e 34 kasonan 16 ta liga na kasonan eksistente i sobra 18 e fuente no ta konosí. Mas detaye den edishon di EXTRA.