WILLEMSTAD.- Huesnan a rekonosé den e sentensia art. 3.4 bisando: "Het betoog van de advocaat in de raadkamer dat (het gedeelte van) strafrestant bezien dient te worden vanaf 24 juni 2020 (zijnde de datum die is genoemd in het positieve advies van de SDKK) kan niet worden gevolgd, nu artikel 5, sub b, van de Beschikking ondubbelzinnig bepaalt dat uit moet worden gegaan van het strafrestant bij aanvang van de deelname aan het verlofprogramma."

E reakshon di abogado mr Lizaima da Costa Gomez ta bin riba e desishon di korte di djabièrnè pasá, rechasando pa Gerrit Schotte bai kas ku banchi, teniendo na kuenta ku ta 21 dia so falta pa e sali for prisòn.

Abogado di Gerrit Schotte, mr Lizaima da Costa Gomez a bisa den deklarashon na EXTRA  ku huesnan a rechasá tur ponensia di OM den ‘raadkamer’ relashoná ku poseshon di telefòn i a aseptá e karta di SDKK na su kliente duna 5 di yüli 2019 eksonerando e for di tur implikashon di e 2 susesonan di 12 di mei 2019 i 10 yüni 2019. Tambe bo ta lesa ku e huesnan ta rekonosé e konseho positivo di 15 di mei 2020 pa señor Schotte su verlòf di 15% ku ET, pero ta rechasá esaki pasó el a sobra ménos dia ku e dekreto pa bai ku verlòf, ku ta dikta ku mínimo di 30 dia (1 luna) anto dor ku Schotte ta bai kas denter di 21 dia kontando for di e fecha di e veredikto 6 di novèmber, e no ta kualifiká pa e verlòf mas.

Pues el a haña rason ku e ta haña verlòf di 15%, pero e no ta kualifiká mas pa e verlòf mirando e dianan ku sobra ta ménos ku 1 luna, ku por sierto no tin lógika si lesa e motivashon di e dekreto di 2005 MB ET verlòf.

Ku esaki segun abogado Lizaima da Costa Gomez, e ta haña rason ku Direktor di SDKK a purba kònkel e dossier di Schotte dor di buta un konseho negativo den e file ku ta enpugna ku e karta di 5 di yüli 2019 na Gerrit Schotte ku a eksoner’é di tur relashon ku e 2 telefònnan.

Den e kartanan abogado Lizaima da Costa Gomez a mustra huesnan ku direktor di prisòn no ta kumpli ku e "zorgvuldigheidsbeginsel" anto ku pa loko ta ‘sjoemel’ den detenidonan su file)

Mas aleu segun e abogado e ámtenar di Reclassering ku a laga su mes wòrdu usá konsientemente òf inkonsientemente dor di direktor di SDKK i butando e konseho positivo di Schotte pa a haña verlòf un banda i a traha un konseho negativo tambe basá riba un mentira di e direktor di SDKK, tambe por tuma nota den e karta di 5 yüli 2019.

Ademas den korte abogado a demostrá ku 5 kaso idéntiko di violashon kometé ku Reclassering, ku  tòg a duna konsehonan positivo, indikando ku despues di kombersashon ku mayornan i yunan di detenido tòg nan ta opta pa duna konseho positivo na e detenido pa verlòf ku banchi. Abogado Lizaima da Costa Gomez a logra proba ku e prinsipio di igualdat ta konta pa tur detenido).

Mas aleu tambe a mustra ku Central College Reclassering i e 3 personanan nombrá den e komishon a basa nan mes riba un mentira pa tambe a traha un konseho negativo, huesnan a usa den nan sentensia niun di alegashon negativo: ni di direktor SDKK, ni di Reclassering ni di Central College Reclassering pero a usa e konseho positivo duná na Schotte 15 di mei 2020 ku e ta kualifiká pa verlòf 15% ET manera dekretá na 2005 den e MB. Den ‘raadkamer’ abogado da Costa Gomez a usa un kaso kaminda Reclassering a traha un konseho negativo di un detenido bayendo KAS pero akinan Central College Reclassering a manda pidi nan rekonsiderá nan konseho negativo i hasié positivo i esaki a sosodé tambe, ku esaki a demostrá na e huesnan ku tin simpatia den wega i ‘willekeur’, dependé ta ken.

Por último a demostrá segun mr da Costa Gomez ku a nenga Schotte algu ku e huesnan si ta konsiderá ku Schotte a base di e konseho positivo mester a haña i a rechasá tur e alegashon falsu di poseshon di algu ilegal den su sèl, pero mirando e restante, pendiente su dianan den prisòn ku ta ménos ku 1 luna e no ta apliká pa e verlòf mas.