WILLEMSTAD.- Djabièrnè promé di òktober a konmemorá 100 aña di Internat Huize St. Jozef, sirbiendo komunidat. Na e okashon ei Minister Javier Silvania a bishita Internat Huize St.Jozef i invokason i bendishon tabata na enkargo di Pastor Greg.

Fundashon Guia Eduka Forma (FGEF) ta un Fundashon ku tin bou di su enkargo tres Internat: Kas Bruder Pius, Huize Rose Pelletier i Huize St. Jozef.

E internatnan ta respektivamente pa mucha hòmber i mucha muhé entre 4-14 aña i mucha muhé entre 15-18 aña di edat ku pa un òf otro motibu no por keda den nan mes ambiente familiar.

E internatnan ta fungi komo hogar di e muchanan ku e meta pa brinda e muchanan siguridat i guia riba terenonan sosial, emoshonal, edukativo i asina traha na nan desaroyo personal.

Riba e fotonan por mira momentu ku a duna Minister Silvania un rekorido i tambe e empleado enkargá ku guia di e muchanan.