WILLEMSTAD.- Despues di basta kontratempu, djaluna último a kuminsá ku distribushon di vürwèrk na e diferente puntonan di benta ku tin e aña aki. Manera ya EXTRA a informá anteriormente, lo tin solamente 11 punto di benta e aña aki.

Ayera a kuminsá ku distribushon, despues ku kontrolá tur e puntonan promé ku e benta ofisial inisiá djadumingu próksimo. Promé ku e puntonan di benta habri djadumingu awor, nan mester kumpli ku tur e normanan di seguridat i tambe e normanan di higiena relashoná ku Covid-19.

E tin ku lo kontrolá lo ta hopi estrikto promé ku duna oké pa e establesimentu habri numa.

E aña aki tin algun adaptashon ku a hasi ku ta spesial pa doño di e diferente puntonan di benta. Den transkurso di e dianan e tim ku ta kontrolá lo pasa i tira kontrol pa wak si tur kos ta kana na òrdu.