WILLMESTAD - Dia 27 di novèmber último e helikòpter NH90 nobo riba e barku di guera Zr.Ms. Groningen a laga un piedra konmemorativo kai den laman na e sitio unda na yüli último e aksidente fatal a tuma lugá den kual dos militar a pèrdè nan bida den e aksidente. E helikòpter nobo huntu ku su tripulashon a yega na òktober último pa asina por kontinuá ku e operashonnan aéreo for di Zr.Ms. Groningen. E tripulashon nobo a ekspresá e deseo pa rekordá nan koleganan ku a pèrdè nan bida ku un piedra konmemorativo ku nan mes a traha. E piedra aki a keda lansa for di e helikòpter den laman na e sitio di e aksidente. Tantu abordo di e helikòpter komo e barku a tene un minüt di silensio pa rekordá e víktimanan. Zr.Ms. Groningen i e helikòpter NH90 ta patruya den region di Karibe pa kombatí transporte di droga.