Detenshon di e sospechoso na Kòrsou

ROTTERDAM.- Polis na Kòrsou a hasi detenshon di un hòmber ku ta sospechoso den e kaso di asesinato di Diaron Alberto (32). Ta trata di e di dos sospechoso ku a keda detené den e kaso aki relashoná ku e kaso di tiramentu ku a tuma lugá na Rechthuislaan na Rotterdam.

Polis di Rotterdam ta informá di forma ofisial ku e tiramentu a tuma lugá dia 28 di òktober 2018. E tim enkargá ku e investigashon a haña tep ku e hòmber ku lo ta embolbí den e kaso aki posiblemente lo a move bai Kòrsou. Nan a sigui hasi nan investigashonnan i ku yuda di polis di Kòrsou a logra hasi detenshon djabièrnè último di e hòmber di 21 aña di edat nase na Rotterdam Ulanda. No por bisa ku eksaktitut ta kua tabata e ròl di e hòmber aki den e kaso, e investigashon ta kontinuá. Polis di Rotterdam ta spera ku dentro di poko e outoridatnan di Kòrsou lo manda e sospechoso aki Ulanda.  Segun polis di Rotterdam, dia 28 d i febrüari último a detené un sospechoso di 24 aña, di Limburg. E ta sera ainda y ku polis ta sospech’e di tin embolbimentu den e kaso di tiramentu menshoná.