WILLEMSTAD.- Bosero di Kuerpo Polisial di Kòrsou Imro Zwerwer a konfirmá pa EXTRA ayera ku awor Kuerpo Polisial a pone mas polis disponibel pa kombatí ladronisia di outo.

Manera un i tur sa, ladronisia i plumamentu di vehíkulo ta un di e problemanan di mas grandi riba nos isla aktualmente. Diariamente tin siudadanonan ta bira víktima na man di malechornan ku ta laga nan na pia, ku vehíkulonan kompletamente òf parsialmente pluma. Pa hopi tempu e problemátika aki tabata i te ainda ta algu difísil pa Kuerpo Polisial kombatí. Pero awor Kuerpo Polisial a reforsá tim di joyriding ku algun agente polisial ku lo bai traha di dia i anochi pa asina evitá i prinsipalmente logra haña esnan responsabel pa e akto aki.

Mayoria di e agentenan ku lo bai reforsá tim di joyriding ta forma parti di un otro tim den Kuerpo Polisial di Kòrsou basta importante pero awor nan trabou lo ser kombiná ku e kombatimentu di ladronisia di outo tambe.

E meta prinsipal ta pa logra yega na esnan ku tur dia ta hasi nan mes kulpabel pa e akto ki