DEN HAAG.- Konseho di Minister di Reino a tuma desishon pa posponé e tratamentu di un posibel instrukshon (aanwijzing) pa Kòrsou pa otro siman, asina minister plenipotensiario Anthony Begina a informá. Banda di e punto di agènda ei a pone otro puntonan tambe ku lo bini na tratamentu otro siman djabièrnè den un reunion ekstraordinario di Konseho di Minister di Reino. Di e forma aki ta duna espasio pa kaba di konkretisá un akuerdo entre Kòrsou i Ulanda. Tin delegashonnan di ámtenar di tantu Ulanda komo Kòrsou ta trahando duru pa logra un akuerdo entre e dos paisnan. E intenshon ta pa konkluí e akuerdo e siman ku ta bini aki.