WILLEMSTAD - Korte Komun di Hustisia a rechasá e petishon di abogadonan pa suspendé detenshon di e sospechoso Francesco Corallo. Esaki Korte a disidí awe. E disposishon di ta enserá ku Francesco Corallo ta keda detené pendiente tratamentu di e petishon pa ekstradishon. Outoridatnan Italiano entretantu a entregá e petishon aki. Ainda Korte Komun di Hustisia no a fiha un fecha pa trata e petishon di ekstradishon.

A detené Corallo, dia 13 desèmber 2016 riba petishon di outoridatnan Italiano. E ta sospechá di entre otro froude ku impuesto i labamentu di plaka. For di e momento ei e ta detené pendiente su ekstradishon.

E aresto di e sospechoso ta resultado di un kolaborashon internashonal entre Italia, St. Maarten, St. Maarten Franses i Hulanda. Esaki ta kuadra den e esfuersonan konhunto pa intensivamente kombatí kriminalidat ku ta krusa frontera manera korupshon i froude, kual tambe ta keda denominá komo kriminalidat ku ta mina. Den e investigashon a konfiská entre otro kuentanan bankario i un kantidat grandi di propiedat.