WILLEMSTAD – Den oranan di mardugá, pa mas eksakto 3:29 am, tabatin otro temblor registrá na e mesun sitio unda e dos nan di último dia a tuma lugá ku a keda sinti aki na Kòrsou. Esei ta nifiká ku pa di tres dia sigui tabatin un temblor den nos área. Esun di mardugá a keda registro komo 3.0 di magnitut  riba e eskala di Richter. Ekspertonan lo kalifiká esaki mas bien komo un repliká komo ku su magnitut ta mas chikí ku e dos nan anterior. Esun temblor aki a tuma lugá na 44 km sùitost di Cabo San Roman, esnan promé tabata ma 37 kilometer for di e esun sitio aki. Segun e servisio Sismiko di Venezuela esaki ta e di kuater temblor den mesun área den último siman. Dia 3 di mart tambe tabatin un temblor , esaki tambe chikí, 3.1, na e mesun sitio.