WILLEMSTAD.- Despues ku den simannan tras di lomba, notisianan tabata yen di e kiebro entre Inselair i KLM, nos por bisa ku e informashon a drenta ku e kooperashon ei ta restablesé.

InselAir ta informá ku e kooperashon entre nan i KLM a keda restablesé den un akuerdo “interline” ku a drenta na vigor ayera mes.

E forma di kooperashon ta kontené ku pasaheronan di e dos kompanianan ariba menshoná por pasa di un buelo pa otro di forma masha fásil.

Esaki ta kontené ku nan ekipahe lo keda atendé pa e kompania di aviashon i e pasahero no tin mester di pasa kue su maleta, bolbe bai chek in.

Esaki na su turno ta hasi biahamentu pa e pasahero algu agradabel i pa e kompania di aviashon e ta trese bentahanan den henter e proseso di chek in ya ku esaki no ta nesesario mas.

Esaki ta un notisia hopi agradabel pa e kompania InselAir ku e dianan aki ta pasando den tempunan turbulento pa loke ta nan situashon finansiero. E kooperashon entre InselAir i KLM ta pone un lus positivo riba henter e desaroyo aki.