WILLEMSTAD.- Ayera den oranan di mainta polis a tene entrada hudisial na algun  kas na Seru Grandi. Polis a haña i konfiská un kantidat di arma di kandela, munishon i algun otro artíkulo. Hopi remarkabel tabata e presensia di un boa konstruktor na un di kasnan. E animal tambe a keda konfiská, manera por mira riba e pòtrèt.

Tabata djabièrnè 27 òktober 2017, den oranan di mainta polis a detené dos (2) hòmber sospechoso relashoná ku algun kaso di menasa ku arma di kandela, ladronisia(nan) ku violensia, enkubrimentu i violashon di e lei di arma di kandela ku a tuma lugá resientemente. Durante di un investigashon ku a tuma lugá na algun  kas na Seru Grandi polis a haña i konfiská un kantidat di arma di kandela, munishon i algun otro artíkulo.

Alrededor di 05.00 or di mainta, departamento di Reshèrshi(veel voorkomende Criminaliteit), Tim di Aresto i Personal di Mantenshon di Orden Públiko ku koperashon di Korps Maniniers a hasi un entrada Hudisial na sinku (5) kas den e área di seru Grandi. E investigashon den e kaso(nan) ariba menshoná tabata andando i ayera a kulminá den detenshon di dos(2) hòmber sospechoso:       1. M.A.Z. 19, aña di edat (ladronisia ku violensia, menasa ku arma di kandela i violashon di e lei di arma di kandela)

2. 
   

3. M.Z. 44, aña di edat (Ladronisia i enkubrimentu) Ambos sospechoso ta nasé na Kòrsou. Durante di un investigashon den e kas, polis a haña i konfiská:

4. 
   

 Nuebe(9) rifel

 Un kantidat di bala skèrpi di diferente kaliber(2 bala kaliber 22, 8 bala kaliber 32 largu, 46 bala kaliber 357 ‘Magnum Super Hollow Point’, 50 bala kaliber 380 “Win Auto”

 Un balansa

 Dos(2)Paña di kamuflahe  Un(1) “veiligheidschoen”

 Maskarada

 Dos(2) motor di boto

 ‘trilplaat’

A presentá e sospechosonan dilanti di un Fiskal Ouksiliar ku a ordená nan enkarselamentu pendiente di  mas investigashon.