WILLEMSTAD.- Parlamento awe lo mester a aprobá kredensial di Giselle Mc William durante un reunion. Djaluna 9 mart Yves Schoop a tuma su retiro komo parlamentario pa asina habri kaminda pa Mc William por drenta bèk parlamento.

Djamars 10 mart Mc William lo mester a entregá su retiro komo minister pa asina Steven Martina por hura djárason serka gobernadó i regresá komo minister di Desaroyo Ekonómiko. Tur esakinan ta konforme palabrashon ku a hasi den partido MAN despues ku aña pasá Martina mester a baha komo minister.

Tur kos sinembargo a wanta. Segun informashonnan di Último ora ku EXTRA ta dispone di dje, gobernadó parse lo ke mas informashon riba e nombramentu di Steven Martina komo minister. Segun nos informantenan, lo ke wanta ku nombramentu di Steven Martina te ku mei 2020. Pa mas detayes lesa EXTRA mayan mainta.