WILLEMSTAD.-  Durante luna di yüni, yüli, ougùstùs i sèptèmber,  Agensia Atventista di Desaroyo i Rekurso di Asistensia (ADRA) a traha huntu ku Botika di Servisio den un proyekto di emergensia relatá ku  COVID-19 yudando 100 mama soltero i nan yunan. E distribushon di voucher di botika a demostrá di tin un impakto positivo riba e higiena personal i salú di e mamanan i nan chikitinnan. Ademas, ADRA a distribuí ‘gift cards’ di supermerkado na e mamanan plùs pèmper pa nan bebi. Durante e lunanan benidero ADRA ta hasi un yamada na komunidat di Kòrsou pa djòin forsa dor di yuda pa aportá na fondo nesesario pa por kontinuá ku e ayudo di emergensia, dor di manda un donashon online via banko MCB, tnv Stichting ADRA Curaçao, c/a 30658407, ovv “Ayudo Mama Soltero”.

Kambiando Bidanan

1. 
   

2. S. (32), mama di 6 yu: “Lokual a impreshoná mi ta ku tin persona ku ta kòrda riba nos mama soltero durante e krísis. ADRA a yuda mi di bèrdat, den e momentu ku mi no por a duna mi yunan nada, mi a risibí yudansa. Mi ta spera ku Señor lo kontinuá move riba kurasonnan pa ADRA por sigui yuda mama soltero na Kòrsou.”

3. 
   

4. (31), mama di 2 yu: “Mi a sinti hopi kontentu, pasobra ora bo ta un mama soltero bo no por yuda bo mes i e ta hopi duru pa risibí ayudo den e tempu di krísis aki. Kosnan no ta fásil, pero ADRA a duna mi speransa.”

5. 
   

6. (57), wela ku ta kria 4 mucha: “Mi no por traha pa motibu di problema ku salú. Ku 4 mucha pa kria, mi ta lucha tur dia pa tin algu riba mesa pa nos kome. Danki na e yudansa di ADRA mi a sinti alivio, mi preshon a baha, i mi ta drumi mihó. Mi ta gusta ku ADRA ta yuda sin hasi distinshon di persona.”

7. 
   

Tokante ADRA Curaçao

ADRA Curaçao (fundá desde 2009) ta un agensia humanitario i miembro di e netwerk di ADRA Internashonal. E énfasis di ADRA su mishon ta riba desaroyo sostenibel i ayudo di emergensia na Kòrsou i e region Karibense Hulandes. ADRA su moto por ser resumí den tres palabra klave: Hustisia. Kompashon. Amor.

MCB, Stichting ADRA Curaçao, c/a 306.584.07, “Ayudo Mama Soltero”

https://www.facebook.com/adracuracao

https://www.instagram.com/adracuracao

https://adra.org