WILLEMSTAD.- Ayera abitantenan di Lagun a disidí di basha muraya di un resort bou debí ku esaki lo ta ilegal konstruí na e sitio.
Ta un kuestion ku tin basta ratu andando na e bario di Lagun i pa kua tin dos sentensia den e kaso aki dje resort kontra di gobièrnu di Kòrsou. E promé sentensia ta data 9 febrüari 2009, kaminda gobièrnu ta gana e kaso entamá dor di e resort pa por haña un pida tereno mas pa amplia su negoshi. E resort lo a basa su mes riba posibel palabrashon ku gobièrnu di Kòrsou a hasi. Pero esei no a resultá den korte, ku konsekuensia korte a dikta sentensia na fabor di gobièrnu.
Den 2011, e resort ta apelá e sentensia aki, pero ta pèrdè e kaso, pasobra e no a paga gastunan dje kaso.
Resientemente abitantenan a tuma nota ku e resort a lanta un muraya segun nan ta bisa riba tereno di wikènthùis nan ku ta
pertenesé na Fundashon Bario di Lagun.
Segun e abitantenan e resort lo a lanta un muraya di mas di 2 meter di haltura riba e tereno, i pa kolmo ilegal, i ta tapa nan bista. Esaki a pone ku ayera djadumingu, na a buska un loader, laga basha e muraya abou, manera por mira riba e fotonan.