WILLEMSTAD.-Un grupo di siudadano a uni na algun habitante di Otrobanda pa manda un señal na Parlamento, gobièrnu i tur otro partido embolbi ku nan no ta di akuerdo ku e plannan di Fundashon Kas Popular. E grupo a reuní mainta tempran riba Plasa Brion i a kana bai Fòrti i despues a bai Parlamento.

E abitantenan ta bisa ku nan ta hopi preokupá pa e echo ku nan ta wòrdu menasa ku ta saka nan for id nan bibienda den área di Rif. Manera ta konosí dokumentunan ku a sali ta mustra ku a firma sierto akuerdonan kaba ku lo ta mustra den direkshon di sierto desaroyo den e área i abitantenan ta konsiderá esaki un menasa ku nan ta bai pèrdè nan bibienda. Mas detaye den edishon di EXTRA.