WILLEMSTAD.- Abogado General den un nota na korte di kasashon ta konsehá pa rechasá e petishon di akusadonan Gerrit Schotte i su partner Cicely van der Dijs. Ta konosí ku e pareha ta den korte pa algun tempu kaba relashoná ku akusashon di labamentu di plaka, soborno, falsifikashon di dokumentu i tambe poseshon di ‘frequency jammers’. Anteriormente korte den promé instansia i korte di apelashon a kondena Schotte i van der Dijs pa e akusashonnan menshoná, pero e pareha a hasi uso di nan derecho i a bai korte di kasashon. Abogado General awor a emití su konseho na korte di kasashon pa rechasá e petishon di e pareha, pues pa korte di kasashon no aseptá e petishon di Schotte i Van der Dijs. Den EXTRA su edishon nos lo trese tur detaye.