WILLEMSTAD.- Teniendo na kuenta e situashon difísil ku Curacao Medical Center ta pasando aden, mester di materialnan pa por sigui atendé ku e tantísimo pashèntnan di Covid-19 ku ta drentando e instituto, ACU a hasi un donashon di 5 mil florin. E donashon a keda hasi algun ratu pasa kaminda presidente di ACU sr Angelo Davelaar a hasi entrega di e chek simbólikamente na direktor di CMC sr Gilbert Martina den presensia di direktora finansiero di CMC señora Lombardi. Kada granito ta konta i e suma aki sigur lo yuda pa asina CMC por kumpra materialnan nesesario pa sigui kumpli ku e kuido nesesario.