WILLEMSTAD.- Curaçao Airport Partners  (CAP) i Curaçao Airport Holding (CAH) djaweps a lansa tres plataforma digital nobo na aeropuerto.

CAP CEO Sr. Ralph Blanchard i  CAH “senior Advisor Airport Operations” Sr. Giordano Molina, a hiba palabra tokante di e inovashon nobo na aeropuerto. E pantaya ta hopi grandi i for di mirador por wak esaki. E pantaya di aviso t’esun di mas grandi riba e isla, pero tambe lo keda usá pa entretenementu manera eventonan i deporte.

Pa wikènt aki tambe e wèpsait i app nobo di aeropuerto lo ta den uso. E wèpsait ta www.curacao-airport.com i e app ta alkansabel p’e usuarionan di IPhone of Android.