WILLEMSTAD. - Djaluna 10 di yüli 2017, den oranan di mainta Afpakteam Kòrsou a drenta akshon i a konfiská un boto luhoso, balorá na mas o ménos  50.000 florin. E konfiskashon aki ta den kuadro di un investigashon di labamentu di plaka ku Afpakteam ya tin un tempu ta investigando. Den kuadro dje investigashon aki anteriormente ya a konfiská 2 seadoo.

E boto aki riba dia di akshon no a wòrdu enkontrá. Awe den oranan di mainta a yega asina leu ku a enkontrá e  boto i riba òrdu di Fiskal di Ministerio Públiko a konfiská e boto enkuestion. Investigashon den e kaso aki tambe ta kontinuá.