WILLEMSTAD.- Un biaha mas tin un mal kontentu reinando den seno di Kuerpo Polisial di Kòrsou i prinsipalmente bou di e agentenan.

Resientemente e agentenan a keda informá ku esnan ku no kumpli ku nan 15 butnan pa luna, lo risibí un rapòrt (atvertensia).

Esaki debí ku a konstatá ku ta hopi agente ta yega fin di luna, sin ku a kompletá nan 15 butnan kada luna.

Esei ta trese kuné ku awor e kontrolnan di tráfiko lo kuminsá bek muchu mas ku ántes.

E agentenan ta hanja nan obligá awor di tene kontrolnan di tráfiko riba un base mas regular pa asina kompletá tur nan butnan i evitá di haña nan den problema ku nan trabou.