WILLEMSTAD.- Den futuro, asina ku e “Politieregeling” ta kla, tur polis tambe mester pasa tèst di droga, ta loke ku minister di hustisia sr. Quincy Girigorie a duna di konosé na prensa.

Minister a para ketu riba e tèst di droga di e funshonarionan den tòp di hustisia a realisá. Minister a bisa ku e ke a para ketu na imágen di e kadena hudisial i di kuerponan. P’esei e tèst di e funshonarionan i riba djasabra i djadumingu el a aserka e funshonarionan kende tur a bai di akuerdo pa hasi e tèst riba uso di droga. E tèst ta bai sinku dia atras. Tur e funshonarionan a resultá di ta limpi limpi.

Mirando esaki, e minister a indiká ku den e Areglo Polisial Nobo ku e ta spera ku ta kla pa fin di e aña aki, e tèstmentu riba droga pa agentenan polisial ta inkorporá den dje tambe.

Na mes momentu minister a anunsiá ku lo bai reklutá 54 hende pa bira polis. E lo ke ku minister ke ta saka 3 klas nobo di estudio pa agente polisial. Pero ta warda riba finansa pa e por dal bai.

Banda di reklutashon tin otro trayekto a habri pa hendenan ku tabata den kuerpo polisial ku ke regresá. Ta trata aki di agentenan polisial ku a bandoná kuerpo pa bai laborá sea den sektor privá, na Aruba, Bonaire òf Isla Riba, i ke bin Kòrsou pa traha. Ta bai traha riba e trayekto aki tambe. Ya asina por haña mas tantu polis riba kaya.